Dipharagobe tsa ga RraTlou le MmaTlou

Ke Letlhafula, matlhare a setse a simolotse go nna mahibidu, serolwana le bofitshwa. Fela Nnana Tlou o lwatswa ke dijo tsotlhe kwa ntle ga matlhare a matala. Se, se ne sa tshwenya batsadi ba gagwe thata. Diphologolo tsotlhe di ne tsa kopana go utlwa dikakanyo tsa ga Morubisi yo o botlhaletlhale. Morubisi o ne a ba boelela gore ba tla tshwanela ke go dira mmogo mme ba tsenye matlhare a matala mo logageng le le nang le molapo o o tsiditsana pele e nna Mariga. O ne a re o tla kopa Phefo Mmaserame gore a foke mowa o o tsididi gore metsi a swe dikgapetla. Ka jalo, Nnana Tlou o tla kgona go ja matlhare a matala ka Dikgakologo le Selemo.